Mwanamume mmoja amewajeruhi watu watatu kwa kuendesha gari lake kwenye umati wa watu kwenye mraba katika mji wa kati wa Ujerumani wa Heidelberg, huku polisi wakipinga uvumi kwamba tukio hilo linaweza kuwa la kigaidi.
Polisi walisema siku ya Jumamosi kuwa maafisa walifanikiwa kumsaka mshukiwa huyo na kumpiga risasi baada ya kutoroka eneo la shambulizi lililotokea nje ya duka la kuoka mikate majira ya mchana.
Msemaji wa polisi Anne Baas alisema mmoja wa waliojeruhiwa yuko katika hali mbaya. Msemaji mwingine wa polisi, Norbert Schaetzle, alisema mwanamume huyo inasemekana alitumia gari la kukodi na alikuwa amebeba kisu aliposhuka kwenye gari hilo.
Mzozo mfupi ulizuka kabla ya polisi kufanikiwa kumkamata mshukiwa na kumpiga risasi, vyombo vya habari vya eneo hilo vilisema, na kuongeza kuwa mshambuliaji huyo alibebwa na kupelekwa hospitali. Schaetzle hakuthibitisha taarifa kwenye vyombo vya habari kwamba mwanamume huyo alikuwa amechanganyikiwa kiakili, lakini alisema polisi hawakulichukulia tukio hilo kama shambulio la kigaidi kwa vile mtu huyo alikuwa akitenda peke yake.
Katika kipindi cha miaka miwili iliyopita, Ujerumani imekumbwa na mashambulizi kadhaa ya asili ya kigaidi kutoka kwa makundi ya misimamo mikali ya mrengo wa kulia, ya utaifa na vile vile watu wanaoaminika kuwa na mafungamano na kundi la kigaidi la Takfiri Daesh lenye makao yake makuu nchini Iraq na Syria.
Zaidi ya watu milioni moja walilazwa nchini Ujerumani kutokana na wimbi la wakimbizi ambalo lilianza kukumba Ulaya mapema mwaka wa 2015.
Wengi wanasema wakimbizi ndio wa kulaumiwa kwa kuongezeka kwa vitisho vya usalama kwa sera za kiliberali za Kansela wa Ujerumani Angela Merkel. Ukosoaji huo uliilazimu Berlin kurekebisha vigezo vya kuwapokea wakimbizi, ikisema ni wale tu wanaotoka katika maeneo yaliyoharibiwa na vita, wakiwemo kutoka Syria, ndio watakaokaribishwa.
